వై 7 న్యూస్, పలాస:
పలాస ప్రాంతంలో ప్రతిపాదించిన కార్గో ఎయిర్పోర్ట్ నిర్మాణాన్ని వెంటనే విరమించుకోవాలని సీపీఎం జిల్లా కార్యదర్శి గోవిందరావు డిమాండ్ చేశారు.
గురువారం పలాసలోని ఓ ప్రైవేటు కళ్యాణమండపంలో జరిగిన సమావేశంలో ఆయన మాట్లాడుతూ, “బలవంతపు భూసేకరణతో రైతులను, పేద ప్రజలను నిర్బంధించటం తగదు. ప్రభుత్వం తక్షణమే ఈ అన్యాయ చర్యలను నిలిపివేయాలి,” అని కోరారు.
ఈ సందర్భంగా ఆయన నవంబర్ 18న పలాస ఆర్డీవో కార్యాలయం వద్ద నిర్వహించనున్న మహా ధర్నాను విజయవంతం చేయాలని ప్రజలకు పిలుపునిచ్చారు.
సమావేశంలో కార్గో ఎయిర్పోర్ట్ వ్యతిరేక పోరాట కమిటీ నాయకులు లండ వెంకటరావు, కొన్నా శ్రీనివాస్, కొమర వాసు తదితరులు పాల్గొన్నారు.
