రియల్మీ నుంచి కొత్తగా రాబోతున్న Realme 16x 5G స్మార్ట్ఫోన్ భారత మార్కెట్లో ఆగస్టు 12న అధికారికంగా లాంచ్ కానుంది. గతేడాది విడుదలైన Realme 15x 5Gకు అప్గ్రేడ్ వెర్షన్గా ఈ ఫోన్ మార్కెట్లోకి రానుంది. “Stay Smooth. Stay Unstoppable” అనే ట్యాగ్లైన్తో కొత్త ఫోన్ను కంపెనీ పరిచయం చేయనుంది.
Realme 16x 5Gలో 7,000mAh భారీ బ్యాటరీని అందించనున్నట్లు కంపెనీ ఇప్పటికే ధృవీకరించింది. ఈ బ్యాటరీ సామర్థ్యం కారణంగా ఫోన్ను ఎక్కువసేపు ఉపయోగించుకునే అవకాశం ఉంటుందని భావిస్తున్నారు. ముఖ్యంగా బ్యాటరీ పనితీరుపై దృష్టి పెట్టే వినియోగదారులను ఆకట్టుకునేలా ఈ ఫోన్ను రూపొందిస్తున్నట్లు తెలుస్తోంది.
అంతేకాకుండా Realme 16x 5G కోసం 6 సంవత్సరాల బ్యాటరీ హెల్త్ ప్రామిస్, 60 నెలల ఫ్లూయెన్సీ గ్యారంటీని కంపెనీ ప్రకటించింది. దీర్ఘకాలం పాటు బ్యాటరీ ఆరోగ్యం, ఫోన్ పనితీరు మెరుగ్గా ఉండేలా హామీ ఇవ్వడం ఈ ఫోన్లో ప్రత్యేక ఆకర్షణగా నిలవనుంది. లాంచ్ సందర్భంగా ధర, కెమెరా, ప్రాసెసర్ వంటి ఇతర వివరాలు వెల్లడయ్యే అవకాశం ఉంది.
