శ్రీకాకుళం జిల్లా పలాస మున్సిపాలిటీ పరిధిలోని కేవీఆర్ కన్వెన్షన్లో ఉద్యానవనం శాఖ ఆధ్వర్యంలో నిర్వహించిన ఉద్యాన పంటల అవగాహన సదస్సు శనివారం జరిగింది. ఈ కార్యక్రమానికి ఏపీటీపీసీ చైర్మన్ వజ్జ బాబూరావు ముఖ్య అతిథిగా హాజరయ్యారు.
ఈ సందర్భంగా ఆయన మాట్లాడుతూ రైతులు సంప్రదాయ పంటలతో పాటు ఉద్యాన పంటలపై దృష్టి సారిస్తే అధిక లాభాలు పొందవచ్చని తెలిపారు. ప్రభుత్వం అందిస్తున్న పథకాలు, సబ్సిడీలను సద్వినియోగం చేసుకోవాలని సూచించారు.
ఈ కార్యక్రమంలో జిల్లా గ్రంథాలయ సంస్థ చైర్మన్ పీరుకట్ల విఠల్, ఏఎంసీ చైర్మన్ మల్లా శ్రీనివాసరావు, కళింగ వైశ్య కార్పొరేషన్ డైరెక్టర్ టంకాల రవిశంకర్ గుప్త, జీడి వర్తకులు, రైతులు, రైతు సంఘాల నాయకులు మరియు అధికారులు పాల్గొన్నారు. కార్యక్రమం విజయవంతంగా నిర్వహించబడింది.
