రాత్రి మిగిలిపోయిన ఆహారాన్ని ఫ్రిడ్జ్లో పెట్టి మరుసటి రోజు వేడి చేసి తినడం చాలామందికి అలవాటుగా మారింది. ఆహారాన్ని వృథా చేయకుండా ఉండటం మంచి విషయమే అయినప్పటికీ, సరైన విధంగా నిల్వ చేయకపోతే లేదా సరిగ్గా వేడి చేయకపోతే ఆరోగ్యానికి ప్రమాదం ఏర్పడే అవకాశం ఉంది.
కొన్ని రకాల మిగిలిన ఆహారాల్లో బ్యాక్టీరియా వేగంగా పెరిగే అవకాశం ఉంటుంది. ముఖ్యంగా వండిన ఆహారాన్ని ఎక్కువసేపు గది ఉష్ణోగ్రతలో ఉంచడం, ఆలస్యంగా ఫ్రిడ్జ్లో పెట్టడం లేదా పూర్తిగా వేడి చేయకుండా తినడం వల్ల ఫుడ్ పాయిజనింగ్కు గురయ్యే ప్రమాదం పెరుగుతుంది.
ఆహారాన్ని వండిన రెండు గంటల్లోపు ఫ్రిడ్జ్లో నిల్వ చేయడం, తినే ముందు పూర్తిగా వేడి చేయడం, ఎక్కువ రోజులు నిల్వ చేసిన ఆహారాన్ని తీసుకోకపోవడం వంటి జాగ్రత్తలు తీసుకుంటే ఫుడ్ పాయిజనింగ్ ప్రమాదాన్ని గణనీయంగా తగ్గించుకోవచ్చు. ముఖ్యంగా వాసన, రంగు లేదా రుచిలో మార్పు కనిపించిన ఆహారాన్ని తినకుండా పారేయడం ఉత్తమం.
