దుమ్ముగూడెం, సెప్టెంబర్ 30 (వై 7 న్యూస్) ;
దుమ్ముగూడెం మండల కేంద్రంలోని బీఆర్ఎస్ పార్టీ కార్యాలయంలో వరంగల్–ఖమ్మం–నల్గొండ పట్టభద్రుల ఎమ్మెల్సీ ఎన్నికల ఓటర్ నమోదు ప్రక్రియపై కార్యకర్తల సమావేశం నిర్వహించారు. ఈ సమావేశంలో భద్రాచలం నియోజకవర్గ మాజీ ఇంచార్జి మానే రామకృష్ణ పాల్గొని కార్యకర్తలను ఉద్దేశించి మాట్లాడారు.
పట్టభద్రులైన అర్హులందరూ ఎమ్మెల్సీ ఎన్నికల ఓటర్లుగా నమోదు చేసుకునేలా పార్టీ శ్రేణులు కృషి చేయాలని ఆయన సూచించారు. ప్రతి గ్రామం, ప్రతి మండలంలో అర్హుల వివరాలను సేకరించి, ఓటర్ నమోదు ప్రక్రియను వేగవంతం చేయాలని కోరారు.
పట్టభద్రుల సమస్యలను శాసన మండలిలో సమర్థంగా ప్రస్తావించేందుకు పట్టభద్రుల ఎమ్మెల్సీ ఎన్నికలు కీలకమని పేర్కొన్నారు. ఓటర్ నమోదు గడువును దృష్టిలో ఉంచుకుని అర్హులైన ప్రతి పట్టభద్రుడిని నమోదు చేయించాలని కార్యకర్తలకు పిలుపునిచ్చారు.
ఈ సమావేశంలో పార్టీ నాయకులు, ప్రజాప్రతినిధులు, కార్యకర్తలు తదితరులు పాల్గొన్నారు.
