వరుణ్ తేజ్ హీరోగా, మేర్లపాక గాంధీ దర్శకత్వంలో తెరకెక్కిన అవుట్ అండ్ అవుట్ ఎంటర్టైనర్ ‘కొరియన్ కనకరాజు’ ప్రేక్షకుల ముందుకు వచ్చింది. యూవీ క్రియేషన్స్, ఫస్ట్ ఫ్రేమ్ సంయుక్తంగా నిర్మించిన ఈ సినిమాకు ప్రీమియర్ షోల నుంచే పాజిటివ్ టాక్ లభించింది. కామెడీ, ఫాంటసీ, యాక్షన్ అంశాలను మేళవించిన ఈ చిత్రం ప్రేక్షకులను ఎంతవరకు అలరించిందో చూద్దాం.
కథ విషయానికి వస్తే.. పెనుగొండలో చెక్క భజన బృందాన్ని నడిపే కోపిష్టి కనకరాజు (వరుణ్ తేజ్) జీవితం తన స్నేహితుడు కిష్టప్ప (సత్య), ప్రేయసి చైత్ర (రితికా నాయక్)తో సాఫీగా సాగుతుంటుంది. అయితే కొరియాలో మరణించిన ఓ డాన్ అస్థికలు అనుకోకుండా కనకరాజు వద్దకు చేరి, అతని శరీరంలోకి ఆ డాన్ ఆత్మ ప్రవేశించడంతో కథ ఆసక్తికర మలుపు తిరుగుతుంది. ఆ తర్వాత జరిగే సంఘటనలు, కొరియాకు వెళ్లాల్సిన పరిస్థితులు, అక్కడ ఎదురయ్యే పరిణామాలే సినిమా ప్రధాన కథ.
మేర్లపాక గాంధీ తనదైన కామెడీ స్టైల్తో ఫాంటసీ అంశాలను వినోదాత్మకంగా చూపించే ప్రయత్నం చేశారు. వరుణ్ తేజ్ ద్వంద్వ భావోద్వేగాలను, కామెడీని సమతూకంగా పండించగా, సత్య తన టైమింగ్తో నవ్వులు పంచాడు. రితికా నాయక్ తన పాత్రలో ఆకట్టుకుంది. ఫస్ట్ హాఫ్లో కామెడీ బాగా వర్కౌట్ అవ్వగా, సెకండ్ హాఫ్లో ఫాంటసీ, యాక్షన్ ఎపిసోడ్స్ కథను ముందుకు నడిపిస్తాయి. కామెడీని ఆస్వాదించే ప్రేక్షకులకు ‘కొరియన్ కనకరాజు’ ఒక మంచి టైమ్పాస్ ఎంటర్టైనర్గా నిలుస్తుంది.
