చైనాకు చెందిన ప్రముఖ టెక్ సంస్థ హువావే (Huawei) మరోసారి మార్కెట్లోకి సరికొత్త గ్యాడ్జెట్లను తీసుకొచ్చింది. చైనాలో Huawei FreeBuds 7 ఇయర్బడ్స్తో పాటు Watch 6, Watch 6 Pro స్మార్ట్వాచ్లను విడుదల చేసింది. కొత్త ఉత్పత్తుల్లో అధునాతన ఆడియో, ఆర్టిఫిషియల్ ఇంటెలిజెన్స్, ఆరోగ్య పర్యవేక్షణ వంటి ఫీచర్లకు కంపెనీ ప్రాధాన్యత ఇచ్చింది.
FreeBuds 7లో అడాప్టివ్ ANC (Active Noise Cancellation) ఫీచర్ను అందించారు. దీంతో పరిసరాల్లోని శబ్దాన్ని గుర్తించి నాయిస్ క్యాన్సిలేషన్ను ఆటోమేటిక్గా సర్దుబాటు చేయవచ్చు. అలాగే 24-bit లాస్లెస్ ఆడియో సపోర్ట్, AI ఆధారిత ఫీచర్లను కూడా అందించారు. దీంతో మెరుగైన ఆడియో అనుభూతిని అందించడమే లక్ష్యంగా హువావే ఈ ఇయర్బడ్స్ను రూపొందించింది.
మరోవైపు Huawei Watch 6 సిరీస్లో ఆరోగ్యాన్ని మరింత సమగ్రంగా ట్రాక్ చేసేందుకు కొత్త X-TAP టెక్నాలజీను తీసుకొచ్చారు. ఈ టెక్నాలజీ ద్వారా వినియోగదారుల ఆరోగ్యానికి సంబంధించిన వివిధ మెట్రిక్స్ను పర్యవేక్షించేందుకు వీలు కల్పించారు. Watch 6, Watch 6 Proతో స్మార్ట్వాచ్ మార్కెట్లో తమ స్థానాన్ని మరింత బలోపేతం చేసుకునేందుకు హువావే ప్రయత్నిస్తోంది.
