ఆరోగ్యంపై అవగాహన పెరగడంతో చాలామంది రోజువారీ ఆహారంలో మార్పులు చేసుకుంటున్నారు. అన్నానికి బదులుగా చపాతీలు, రొట్టెలు, ఫైబర్ అధికంగా ఉండే ఆహార పదార్థాలను తీసుకునేందుకు ఆసక్తి చూపుతున్నారు. దీంతో రొట్టె మన భోజనంలో ముఖ్యమైన భాగంగా మారింది. సాధారణంగా గోధుమ పిండితో చేసిన రొట్టెలనే ఎక్కువగా తీసుకుంటారు.
అయితే ఒకే రకమైన ధాన్యంపై ఆధారపడకుండా వివిధ రకాల ధాన్యాలు, మిల్లెట్లతో చేసిన రొట్టెలను కూడా ఆహారంలో చేర్చుకోవచ్చు. జొన్నలు, సజ్జలు, రాగులు, కొర్రలు వంటి మిల్లెట్లతో తయారు చేసిన రొట్టెలు భోజనంలో వైవిధ్యాన్ని పెంచుతాయి. ఆయా ధాన్యాల రకాన్ని బట్టి ఫైబర్, ప్రోటీన్, ఐరన్, కాల్షియం, మెగ్నీషియం వంటి పోషకాలు లభిస్తాయి.
రోజువారీ ఆహారంలో వివిధ ధాన్యాలు, మిల్లెట్లను మారుస్తూ తీసుకోవడం ద్వారా పోషక వైవిధ్యం పెంచుకోవచ్చు. అయితే రొట్టె ఏ ధాన్యంతో తయారైందన్నదితో పాటు దానితో తీసుకునే కూరలు, పప్పులు, కూరగాయలు, పెరుగు వంటి ఇతర ఆహార పదార్థాల సమతుల్యత కూడా ముఖ్యమే. వ్యక్తిగత ఆరోగ్య పరిస్థితులకు అనుగుణంగా ఆహార మార్పులు చేసుకోవడం మంచిది.
