సాంప్రదాయ తెలుగు వంటకాల్లో ఆహా ఏమి రుచి అనిపించే వాటిలో పచ్చిమిరపకాయ రోటి పచ్చడి ప్రత్యేక స్థానం సంపాదించుకుంది. వేడి వేడి అన్నంలో కొద్దిగా నెయ్యి లేదా నూనె వేసుకుని ఈ పచ్చడి నంజుకుని తింటే ఆ రుచి మాటల్లో చెప్పలేనిది. అన్నంతో పాటు ఇడ్లీ, దోశ, రాగి సంగటి, గారెలతో కూడా ఇది అద్భుతంగా సరిపోతుంది.
ఈ పచ్చడిలో ప్రత్యేకత ఏమిటంటే, ఒకే పచ్చడిని రెండు విభిన్న రుచుల్లో తయారు చేసుకోవచ్చు. ఇంగువ సువాసనతో ఒక రకం, వెల్లుల్లి ఘాటుతో మరొక రకం చేస్తే ప్రతి ముద్దలో కొత్త రుచిని ఆస్వాదించవచ్చు. ఇంట్లో ఉన్న సాధారణ పదార్థాలతోనే ఈ రుచికరమైన పచ్చడిని సులభంగా తయారు చేసుకోవచ్చు.
ఈ పచ్చడి కోసం పచ్చిమిరపకాయలు, చింతపండు, నూనె, ఉప్పు, పసుపు, ఇంగువ పొడి, వెల్లుల్లి వంటి పదార్థాలు అవసరం. ముందుగా పచ్చిమిరపకాయలను నూనెలో వేయించి, చింతపండు, ఉప్పుతో కలిపి రుబ్బాలి. ఆ తర్వాత ఒక భాగంలో ఇంగువ, మరో భాగంలో వెల్లుల్లి కలిపి రెండు రుచుల్లో పచ్చడిని సిద్ధం చేసుకుంటే భోజనానికి మరింత రుచి పెరుగుతుంది.
