పవర్ స్టార్ పవన్ కళ్యాణ్ ప్రధాన పాత్రలో యంగ్ డైరెక్టర్ సుజీత్ తెరకెక్కిస్తున్న భారీ యాక్షన్ ఎంటర్టైనర్ ‘ఓజీ’ (They Call Him OG) చిత్రంపై ప్రేక్షకుల్లో ఎంతటి భారీ అంచనాలు ఉన్నాయో ప్రత్యేకంగా చెప్పనక్కర్లేదు. ఈ సినిమా అప్డేట్స్ కోసం అభిమానులు కళ్లు కాయలు కాసేలా ఎదురుచూస్తున్నారు. అయితే, ఇప్పటివరకు షూటింగ్ పూర్తయిన మేరకు సినిమా ఔట్పుట్ చూసుకున్న పవన్ కళ్యాణ్.. సుజీత్ టేకింగ్ పట్ల అత్యంత సంతృప్తిగా, ఫుల్ హ్యాపీగా ఉన్నట్లు ఇండస్ట్రీ వర్గాల్లో జోరుగా ప్రచారం జరుగుతోంది.
ఇదిలా ఉంటే, తాజాగా ఈ క్రేజీ ప్రాజెక్టుకు సంబంధించి ఒక వార్త నెట్టింట విపరీతంగా వైరల్ అవుతోంది. అదేమిటంటే.. ఈ సినిమాకు సీక్వెల్గా ‘ఓజీ 2’ కూడా రాబోతోందని, అందుకు సంబంధించిన పనులు కూడా అంతా సిద్ధంగా ఉన్నాయని సమాచారం. దర్శకుడు సుజీత్ ఈ సినిమా కథను మరింత భారీ స్థాయిలో విస్తరించి, రెండు భాగాలుగా ప్రేక్షకుల ముందుకు తీసుకురావాలని ప్లాన్ చేస్తున్నట్లు తెలుస్తోంది. ఇటీవల జరిగిన కొన్ని పరిణామాల్లో సుజీత్ సైతం ఈ సీక్వెల్కు సంబంధించి పరోక్షంగా కొన్ని క్లూస్ ఇచ్చారని సినీ వర్గాల్లో గట్టిగా టాక్ వినిపిస్తోంది.
సుజీత్ ఇచ్చిన ఈ లీక్స్తో పవన్ అభిమానుల ఆనందానికి అవధులు లేకుండా పోయాయి. మొదటి భాగం ముగింపులోనే ‘ఓజీ 2’కి సంబంధించిన బలమైన లీడ్ ఉండబోతోందని, ముందస్తు ప్లానింగ్లో భాగంగానే సుజీత్ ఈ కథను సిద్ధం చేశారని భావిస్తున్నారు. ఈ సీక్వెల్ వార్తలపై చిత్ర బృందం నుంచి అధికారిక ప్రకటన ఇంకా వెలువడనప్పటికీ, పవన్ కళ్యాణ్ మార్క్ స్టైలిష్ యాక్షన్, సుజీత్ విజన్ తోడైతే బాక్సాఫీస్ వద్ద సరికొత్త రికార్డులు సృష్టించడం ఖాయమని ఫ్యాన్స్ ఎంతో ధీమా వ్యక్తం చేస్తున్నారు.
