స్మార్ట్ఫోన్లలో పెద్ద డిస్ప్లేలు, అధునాతన కెమెరాలు, ఎన్నో యాప్స్ అందుబాటులో ఉన్నప్పటికీ.. కేవలం కాల్స్, మెసేజ్లు, FM రేడియో వంటి ప్రాథమిక అవసరాల కోసం ఫోన్ను ఉపయోగించాలనుకునేవారికి ఫ్లిప్ ఫోన్లపై ఆసక్తి ఇప్పటికీ కొనసాగుతోంది. అలాంటి వినియోగదారులను దృష్టిలో పెట్టుకుని నోకియా Nokia 2660 Flip 4Gను అందిస్తోంది.
క్లాసిక్ ఫ్లిప్ డిజైన్తో వచ్చే ఈ ఫోన్లో డ్యూయల్ డిస్ప్లే, 4G కనెక్టివిటీ, డ్యూయల్ సిమ్ సపోర్ట్ వంటి ఫీచర్లు ఉన్నాయి. పెద్ద న్యూమరిక్ కీప్యాడ్ ఉండటంతో ఫోన్ను సులభంగా ఆపరేట్ చేయవచ్చు. ముఖ్యంగా వృద్ధులు, సింపుల్ ఫోన్ను కోరుకునే వినియోగదారులకు ఇది అనుకూలంగా ఉండేలా రూపొందించారు.
Nokia 2660 Flip 4Gలో రిమూవబుల్ బ్యాటరీ కూడా ఉంది. స్మార్ట్ఫోన్లతో పోలిస్తే తక్కువ ధరలో ప్రాథమిక అవసరాలను తీర్చే ఫోన్గా ఇది నిలుస్తోంది. ఈ ఫోన్ ధర రూ.4,999గా ఉంది. క్లాసిక్ ఫ్లిప్ డిజైన్తో పాటు 4G కనెక్టివిటీ కావాలనుకునే వారికి ఈ ఫోన్ ఓ ప్రత్యామ్నాయంగా మారే అవకాశం ఉంది.
