పలాస;
పలాస నియోజకవర్గ పరిధిలోని 383 మంది అంగన్వాడీ కార్యకర్తలకు ప్రభుత్వం మంజూరు చేసిన 5జీ మొబైల్ ఫోన్లను ఎమ్మెల్యే గౌతు శిరీష గురువారం అందజేశారు.
పలాస టీడీపీ కార్యాలయం అవరణలో జరిగిన ఈ కార్యక్రమంలో ఆమె పాల్గొన్నారు.
ఈ సందర్భంగా ఎమ్మెల్యే మాట్లాడుతూ, ఆధునిక సాంకేతికతను అంగన్వాడీ వ్యవస్థకు అనుసంధానించడం ద్వారా పిల్లల ఆరోగ్యం, పోషణ, విద్యా ప్రమాణాలను మరింత మెరుగుపరచవచ్చని తెలిపారు. అంగన్వాడీ కార్యకర్తలు మొబైల్ సేవలను సమర్థవంతంగా వినియోగించి ప్రభుత్వ పథకాలను విజయవంతం చేయాలని ఆమె సూచించారు.
