సికిల్‌సెల్, తలసేమియా రోగుల కోసం రెండు రోజుల ప్రత్యేక వైద్య శిబిరాలు

— జిల్లా కలెక్టర్ జితేష్ వి. పాటిల్

భద్రాద్రి కొత్తగూడెం:
జిల్లాలో సికిల్‌సెల్ అనేమియా, తలసేమియా వంటి దీర్ఘకాలిక రక్తవ్యాధులతో బాధపడుతున్న రోగుల కోసం నవంబర్‌ 28–29, 2025 తేదీల్లో రెండు రోజుల పాటు ప్రత్యేక వైద్య శిబిరాలను ఏర్పాటు చేసినట్లు జిల్లా కలెక్టర్ జితేష్ వి. పాటిల్ తెలిపారు. ప్రతి రోగికి నాణ్యమైన వైద్యం అందించాలన్న లక్ష్యంతో ఈ శిబిరాలు నిర్వహిస్తున్నట్లు ఆయన పేర్కొన్నారు.

రోగుల ఆరోగ్య పరిస్థితిని పరీక్షించడం, అవసరమైతే నిరంతర చికిత్సకు అనుసంధానం చేయడం, కుటుంబ సభ్యులకు అవగాహన కల్పించడం ఈ శిబిరాల ప్రధాన ఉద్దేశమని కలెక్టర్ వివరించారు. హైదరాబాద్‌ నుండి నిపుణులైన ప్రత్యేక వైద్యుల బృందం శిబిరాల్లో సేవలు అందించనున్నారు.

శిబిరాల షెడ్యూల్‌ ఇలా ఉంది:

1️⃣ 28-11-2025 (శుక్రవారం)
🕗 ఉదయం 8:00 – మధ్యాహ్నం 12:30
📍 నర్సాపురం రైతు వేదిక, దుమ్ముగూడెం (దేవాలయం పక్కనే, ప్రధాన రహదారి, లక్ష్మీనగరం వైపు)

2️⃣ 28-11-2025 (శుక్రవారం)
🕑 మధ్యాహ్నం 2:00 – సాయంత్రం 6:00
📍 భద్రాచలం రైతు వేదిక (మార్కెట్ యార్డ్)

3️⃣ 29-11-2025 (శనివారం)
🕗 ఉదయం 8:00 – మధ్యాహ్నం 12:30
📍 అశ్వారావుపేట రైతు వేదిక, నారాయణపురం GP కార్యాలయం పక్కన

4️⃣ 29-11-2025 (శనివారం)
🕑 మధ్యాహ్నం 2:00 – సాయంత్రం 6:00
📍 రామవరం రైతు వేదిక, చుంచుపల్లి మండలం

ఉచిత సేవలు అందుబాటులో:

సికిల్‌సెల్ / తలసేమియా నిర్ధారణ

నిపుణుల వైద్య సలహాలు

చికిత్స విధానాల వివరాలు

మెడికల్ కార్డుల జారీ

Unique Disability ID కార్డ్ నమోదు

కౌన్సిలింగ్ సేవలు

ఈ సేవలు అన్నీ పూర్తిగా ఉచితం.

జిల్లాలో ఇప్పటికే ఈ వ్యాధులు నిర్ధారించబడిన పిల్లల తల్లిదండ్రులు తప్పనిసరిగా సమీప శిబిరానికి పిల్లలను తీసుకురావాలని కలెక్టర్ సూచించారు. గ్రామీణ ప్రజలు కూడా ఈ అవకాశాన్ని వినియోగించుకుని వైద్యులను సంప్రదించాలని, రోగుల ఆరోగ్య రక్షణలో కుటుంబాలు చురుకుగా వ్యవహరించాలని జిల్లా కలెక్టర్ జితేష్ వి. పాటిల్ కోరారు.