శ్రీకాకుళం జిల్లా, పలాస:
ప్రజల సమస్యలను నేరుగా తెలుసుకునేందుకు పలాస పార్టీ కార్యాలయంలో ఎమ్మెల్యే గౌతు శిరీష ప్రజా దర్బార్ నిర్వహించారు. నియోజకవర్గంలోని వివిధ ప్రాంతాల నుంచి వచ్చిన ప్రజలు తమ సమస్యలను ఎమ్మెల్యే దృష్టికి తీసుకెళ్లి వినతిపత్రాలు సమర్పించారు.
ఈ సందర్భంగా పెన్షన్లు, గృహ నిర్మాణం, సంక్షేమ పథకాలు, మౌలిక సదుపాయాలు తదితర అంశాలకు సంబంధించి మొత్తం 30 వినతులు అందినట్లు నిర్వాహకులు తెలిపారు.
ప్రతి అర్జీదారుడితో ఎమ్మెల్యే నేరుగా మాట్లాడి సమస్యలను అడిగి తెలుసుకున్నారు. వినతుల్లో పేర్కొన్న అంశాలను పరిశీలించి, అర్హత ఉన్న సమస్యలను ప్రభుత్వ నిబంధనల మేరకు పరిష్కరించేందుకు సంబంధిత శాఖల అధికారులతో సమన్వయం చేయాలని సూచించారు.
ప్రజలకు అందుబాటులో ఉండి వారి సమస్యలను తెలుసుకోవడం ప్రజాప్రతినిధిగా తన బాధ్యత అని ఎమ్మెల్యే గౌతు శిరీష పేర్కొన్నారు. పెన్షన్లు, హౌసింగ్తో పాటు వివిధ ప్రభుత్వ పథకాలకు సంబంధించిన సమస్యలను అధికారుల దృష్టికి తీసుకెళ్లి పరిష్కారానికి కృషి చేస్తామని తెలిపారు.
ప్రజా దర్బార్కు వచ్చిన పలువురు తమ సమస్యలను నేరుగా ఎమ్మెల్యేకు వివరించి వినతిపత్రాలు అందజేశారు.
