మణుగూరు, డిసెంబర్ 11 ;
ఎన్నికల నియమావళిని కచ్చితంగా అమలు చేస్తామని మణుగూరు తహసీల్దార్ నరేష్ స్పష్టం చేశారు. పంచాయతీ ఎన్నికల తొలి విడతలో గెలుపొందిన సర్పంచ్, వార్డ్ సభ్యులు మరియు వారి అనుచరులు ఏ రూపంలోనైనా ఊరేగింపులు, విజయోత్సవాలు, డీజేలు, బాణాసంచా వంటి వేడుకలు నిర్వహించరాదని హెచ్చరిక జారీ చేశారు.
ఈ నెల 17 వరకు ఎన్నికల కోడ్ అమల్లో ఉండటంతో, ఎవరైనా నియమాలను అతిక్రమించినట్లయితే చట్టపరమైన కఠిన చర్యలు తప్పవని ఆయన తెలిపారు. ప్రజలు, అభ్యర్థులు ఎన్నికల మార్గదర్శకాలను ఖచ్చితంగా పాటించి శాంతియుత వాతావరణాన్ని కాపాడాలని అధికారులు సూచించారు.
Y7 News Telugu
