పినపాక మండలం, జూలై 31 (వై7 న్యూస్): అఖండ యూనివర్సల్ వెల్ఫేర్ ట్రస్ట్ ఆధ్వర్యంలో పినపాక మండలం బోటిగూడెం గ్రామపంచాయతీ పరిధిలోని విప్పలగుంపు ఆదివాసి గ్రామంలో 43 మంది ఆదివాసి పిల్లలకు బట్టలు పంపిణీ చేశారు.
సామాజిక సేవా కార్యక్రమాల్లో భాగంగా నిర్వహించిన ఈ కార్యక్రమంలో చిన్నారులకు నూతన దుస్తులను అందజేసి వారి ఆనందానికి కారణమయ్యారు. గ్రామంలోని ఆదివాసి కుటుంబాల పిల్లలకు అవసరమైన సహాయం అందించడం ట్రస్ట్ లక్ష్యమని నిర్వాహకులు తెలిపారు.
ఈ కార్యక్రమంలో అఖండ యూనివర్సల్ వెల్ఫేర్ ట్రస్ట్ సభ్యులు కట్ల నరేష్, నాని బాబు, కె. నాగేశ్వరరావు, ఆకుల వెంకటేష్, సైదా నాయుడు, బోటిగూడెం మాజీ సర్పంచ్ సుధాకర్, ఈశ్వరయ్య, విప్పలగుంపు గ్రామ పెద్దలు నరసయ్య, మడకం రమేష్ తదితరులు పాల్గొన్నారు.
