చుంచుపల్లి, జూలై 25: భద్రాద్రి కొత్తగూడెం జిల్లా చుంచుపల్లి మండలంలోని కమ్మ సత్రంలో పెండింగ్లో ఉన్న స్కాలర్షిప్లు, ఫీజు రీయింబర్స్మెంట్ బకాయిల విడుదల కోసం శనివారం రౌండ్ టేబుల్ సమావేశం నిర్వహించారు.
విద్యార్థులు ఎదుర్కొంటున్న సమస్యలు, ప్రభుత్వం విడుదల చేయాల్సిన స్కాలర్షిప్లు మరియు ఫీజు రీయింబర్స్మెంట్ నిధుల ఆలస్యం వల్ల ఏర్పడుతున్న ఇబ్బందులపై సమావేశంలో విస్తృతంగా చర్చించారు. ఉన్నత విద్యను అభ్యసిస్తున్న పేద, మధ్యతరగతి విద్యార్థులు ఆర్థిక ఇబ్బందులతో తీవ్రంగా నష్టపోతున్నారని పలువురు వక్తలు ఆందోళన వ్యక్తం చేశారు.
ప్రభుత్వం వెంటనే పెండింగ్ బకాయిలను విడుదల చేసి విద్యార్థులకు న్యాయం చేయాలని సమావేశంలో పాల్గొన్న నాయకులు, విద్యార్థి సంఘాల ప్రతినిధులు డిమాండ్ చేశారు. స్కాలర్షిప్లు, ఫీజు రీయింబర్స్మెంట్ నిధుల విడుదలలో జాప్యం కొనసాగితే ఉద్యమాన్ని మరింత ఉధృతం చేస్తామని హెచ్చరించారు.
విద్య హక్కును కాపాడేందుకు అన్ని రాజకీయ, సామాజిక, విద్యార్థి సంఘాలు కలిసికట్టుగా పోరాడాలని సమావేశంలో నిర్ణయించారు. విద్యార్థుల భవిష్యత్తుతో ప్రభుత్వం చెలగాటం ఆడకుండా వెంటనే నిధులు విడుదల చేయాలని తీర్మానం చేశారు.
ఈ సమావేశంలో వివిధ విద్యార్థి సంఘాల నాయకులు, ప్రజాసంఘాల ప్రతినిధులు, సామాజిక కార్యకర్తలు మరియు విద్యార్థులు పాల్గొన్నారు.
