డిజిటల్ ప్రపంచానికి కాస్త దూరంగా ఉండాలనుకునే వినియోగదారుల కోసం Light సంస్థ కొత్త Light Flip 5G ఫోన్ను విడుదల చేసింది. ఆధునిక స్మార్ట్ఫోన్లకు ప్రత్యామ్నాయంగా రూపొందించిన ఈ మినిమలిస్ట్ ఫోన్లో సోషల్ మీడియా యాప్లు, వెబ్ బ్రౌజర్, ప్రకటనలతో నిండిన యాప్లకు చోటు కల్పించలేదు. క్లాసిక్ ఫ్లిప్ డిజైన్తో రూపొందించిన ఈ ఫోన్, అవసరమైన కమ్యూనికేషన్ మరియు రోజువారీ పనులకే పరిమితమైన అనుభవాన్ని అందించడమే లక్ష్యంగా తీసుకొచ్చారు.
ఈ ఫోన్లో కంపెనీ ప్రత్యేకంగా అభివృద్ధి చేసిన LightOS ఆపరేటింగ్ సిస్టమ్ను అందించారు. ఇందులో నిరంతరం నోటిఫికేషన్లతో ఇబ్బంది పెట్టే యాప్లు, సోషల్ మీడియా ప్లాట్ఫారమ్లు లేదా వెబ్ బ్రౌజింగ్ సదుపాయం ఉండదు. దీంతో వినియోగదారులు డిజిటల్ డిస్ట్రాక్షన్కు దూరంగా ఉండే అవకాశం ఉంటుంది.
కమ్యూనికేషన్ను మరింత సులభతరం చేసేలా Predictive T9 టైపింగ్, Voice-to-Text, ఆడియో మెసేజింగ్, 9 స్పీడ్ డయల్ షార్ట్కట్లు వంటి ఫీచర్లను ఈ ఫోన్లో అందించారు. అవసరమైన పనులకే పరిమితమైన, ప్రశాంతమైన మొబైల్ అనుభవాన్ని కోరుకునే వారికి ఈ Light Flip 5G మంచి ప్రత్యామ్నాయంగా నిలుస్తుందని కంపెనీ చెబుతోంది.
