ప్రముఖ టెక్ కంపెనీ లెనోవో (Lenovo) తన కొత్త Legion R9000P గేమింగ్ ల్యాప్టాప్ను అధికారికంగా విడుదల చేసింది. ప్రపంచంలోనే Inkjet-Printed OLED (IJP OLED) డిస్ప్లేతో వచ్చిన తొలి గేమింగ్ ల్యాప్టాప్ ఇదేనని కంపెనీ ప్రకటించింది. ఈ డిస్ప్లే గేమింగ్తో పాటు వీడియో ఎడిటింగ్, గ్రాఫిక్ డిజైన్, కంటెంట్ క్రియేషన్ వంటి పనుల్లో అత్యుత్తమ విజువల్ అనుభవాన్ని అందించేలా రూపొందించారు.
IJP OLED (Inkjet-Printed OLED) అనేది అత్యాధునిక డిస్ప్లే టెక్నాలజీ. ఇందులో కాంతిని విడుదల చేసే ప్రత్యేక ద్రవరూప పదార్థాన్ని సూక్ష్మమైన ఇంక్జెట్ నాజిల్ల ద్వారా గాజు లేదా ప్లాస్టిక్ ఉపరితలంపై ప్రింట్ చేస్తారు. ఈ విధానం వల్ల ఖరీదైన వాక్యూమ్ ఎవాపరేషన్ పరికరాల అవసరం తగ్గడంతో పాటు మెటల్ మాస్క్ల వినియోగం కూడా తగ్గి, తయారీ ఖర్చు తగ్గడం, ఉత్పత్తి వేగం పెరగడం వంటి ప్రయోజనాలు లభిస్తాయి.
Lenovo Legion R9000Pలో 16 అంగుళాల OLED డిస్ప్లేను అందించారు. కొత్త IJP OLED టెక్నాలజీ వల్ల మెరుగైన చిత్ర నాణ్యత, అధిక కాంట్రాస్ట్, ఖచ్చితమైన రంగుల ప్రతిబింబం లభిస్తాయని కంపెనీ పేర్కొంది. దీంతో గేమర్లతో పాటు క్రియేటివ్ ప్రొఫెషనల్స్కు కూడా ఈ ల్యాప్టాప్ ఆకర్షణీయమైన ఎంపికగా నిలవనుంది.
